Nola erregistratu zure marka edo izen komertziala?

Zer da marka bat? Eta izen komertziala? Nola erregistratu zure marka edo izen komertziala? Zergatik da beharrezkoa markaren erregistroa? Adaki komunikazioak du erantzuna.

Marka & izen komertziala

Marka eta izen komertziala ezberdindu behar ditugu.

Marka zure produktu edo zerbitzuaren identifikatzailea da; identitatea ematen dio eta markaren jabetza ezartzen du. Ez hori bakarrik, marka da merkatuan produktu bat ezagutu eta konpetentziarengandik ezberdintzen duen eskubidea.

Izen komertziala, berriz, enpresaren identifikatzailea da, beste enpresengandik ezberdintzen duena, batez ere sektore edota produktu berdintsuen ekoizleak direnean. Ez da izen soziala, zeina erregistroan enpresak duen izena den eta tramite formaletarako erabiltzen den: fakturak, kontratuak… Izen komertziala alor komertzialean erabiltzen da, enpresaren produktu oro, marka ezberdinak izan ditzaketenak, identifikatzeko.

Beraz, marka eta izen komertziala ez da gauza bera. Markak produktu eta zerbitzuak merkatuan ezberdintzea du jomuga; izen komertzialak berriz enpresa bera bereiztea lehiakideengandik.

Hau argituta, beraz, zergatik da garrantzitsu gure izen komertziala edo marka erregistratzea?

Oinarrian, komeni da gure produktu edo zerbitzuaren identifikatzailea babestea, beste edonor berauetaz eta izan dezaketen ospeaz baliatzea ekiditeko. Erregistratzen ez baduzu lehiakideek ken diezazukete.

Enpresa bakoitzak izen komertzial bakarra erregistra dezake, baina nahi adina marka. Eskaera aurkezteko unean, izen komertzialak edo markak diseinu grafikoren bat, tipografia zehatzik edo kolore konkreturen bat baldin badu, diseinu garatua aurkeztu behar da, itxia.

Erregistroak ezartzen duen babes tartea 10 urtekoa da, erregistro egunetik hasita. 8 eta 15 hilabete artean irauten du tramiteak. 10 urteko tartea gaindituta, marka edo izen komertzialaren babesa betirako berritu daiteke.

Lehen erregistroaren kostua 144,58 euroko da, elektronikoki eginez gero %15eko deskontuarekin, 122,89 eurokoa izanaz. Eskaera berean bigarren marka edo izen komertzial baten babesa eskatuz gero, kostua 93 eurokoa izango da.

Marka erregistratu nahi duzu? Egin Adaki Komunikazioarekin.

Erraz gogoratzekoa

Prozesu honetan zehar argi dago zailena marka definitzea dela, zure identifikazio zeinua. Gogoratzeko eta produktuekin identifikatzeko erraza izatea da premisa nagusia. Irisgarriak behar dute izan.

Baina edozein izen jarri diezaiokegu markari? Erregistroak baimentzen du izen soilak, izen ugariren baturak, irudiak, figurak, sinboloak, grafikoak, letrak, zifrak eta forma tridimentsionalak erregistratzea. Merkatuaren logikak honako irudikapenak aintzatesten ditu:

  • Hitzak eta konbinazioak.
  • Irudiak, figurak, sinboloak eta marrazkiak.
  • Letrak, zifrak eta konbinazioak.
  • Forma tridimentsionalak.

Badira debekuak ere: izen generikoak, produktu edo zerbitzu bat irudikatzen duten zeinuak, adierazle geografikoak, zeinu engainagarriak edota ordena publikoaren aurkakoak. Noski, ezin dira ere lehiakideen antzerakoak edota berdinak diren irudikapenak erabili.

Zure enpresaren logotipoa nahi duzu sortu? Adaki komunikazioa da zure enpresa.

Donostiako garraio publikoen identitate korporatibo berria sortu du Adaki Komunikazioak

Donostia – San Sebastian Garraio Publikoak enpresak irudi korporatibo berria du. Adaki komunikazioa enpresan Dbus, Dbizi, Dmetro eta Dgora marken restylinga egin dugu. Helburua Donostiarako ikono berri bat eraikitzea izan da, indartsua, bizia, erakargarria eta bateratua, hiriko lau garraio publiko garrantzitsuenen zerbitzuak grafikoki lotuta egon daitezen.

Logotipo bat baino gehiago

Logotipo bat empresa bat identifikatzen duen zeinu grafikoa da. Entitatea ematen dio eta lehiakideengandik ezberdintzeko balio du. Finean, logotipoa elementu grafiko hutsal bat baino gehiago da, enpresaren idiosinkrasia, historia, lana, langileak, bezeroak… batzen dituen marka. Irudi horrek, denborak aurrera egin ahala, empresa edota erakunde bateko bestelako elementuek bezalaxe, eguneratzeko beharra izan dezake. Hori burutu du Adaki komunikazioak; Donostiako garraioen esentzia gorde eta beren karakteristiko diren oinarrien gainean eguneratuz, erabiltzaileekin erabateko lotura mantenduz.

Donostiako Garraio Publikoak, arestian aipatu eran, lau zerbitzu ezberdin bateratzen ditu: autobusa, metroa, bizikleta eta igogailuak. Lau marken batura grafikoa “D” letrarekin egindako ikono batekin egin da. Ikono bakoitzaren barruan garraio bakoitzarekin lotutako beste ikono bat dago. Sinbolo hau lau kolore ezberdinetan adierazi da, bakoitzak hiriko garraio publikoaren zerbitzu jakin bat irudikatuz.

Imagen corporativa Donostia Transport

Proiektu hau egiterakoan, hiriko sinbologia eta ikono guztiak eguneratzea aztertu da (dela Igeldo, funicularra, Haizearen Orrazia, irla, Concha eta barandilla, Alderdi Eder, karrusel mitikoa, autobusak…), ikono modura erabili daitezkeen eta grafikoki erakargarriak eta bisualki dibertigarriak izan daitezkeen ilustrazioak sortuz. Erabilterraza den diseinu dinamikoa sortu da.

Orain Donostiako Garraio Publikoak-en zerbitzu guztiak bat dira, familia bereko kideak, beren irudi korporatiboa medio, zerbitzu honen marka posizionatuz eta herritar zein erabiltzaileengan kokatuz.

Zuk ere zure empresa indartu eta kokatu nahi duzu?

Ezinbesteko da zerbitzu oro komunikatzea, ezagutaratzea eta kokatzea. Komunikazio objetiboa eta subjetiboa: komunikatu eta pertzeptzioak sortu. Eta lan hori marka irudi indartsu batetik hasten da.

Logotipoa eta identitate korporatiboa ezaugarri tronkalak dira enpresarentzako, indarguneak. Marka izen eta grafismo batetik haratago doa: erosleari saltzaileak egiten dion zerbitzu eta onura batzuen promesa da.

Behin irudi indartsua lortuta, gure produktua identifikatu eta lehiakideengandik bereiztea lortuko dugu, enpresaren ospea berretsi, berme eta kalitate zeinu bilakatu, eta kontsumitzaileengan posizionatu.

Adaki komunikazioa da zure aukera. Ezagutu gure lanak. Ezagutu Adaki komunikazioa.

Ingartek enpresak logotipo berria du bere 10. urteurrena ospatzeko

Ingartek enpresak logotipo berria du bere 10. urteurrena ospatzeko. Enpresa urteurrenak mugarri izan ohi dira. Gainditzearen eta aurrerapenaren seinale. Indarra hartu eta etorkizunari eusteko une. Hori guztia, noski, urteurrenak duen garrantzia ematen bazaio. Ingartek-en adibidea erakutsiko dizuegu. Mugikortasuna eta garraioa ditu lan esparru eta Adakin hainbat lan egin ditugu bere 10. urteurrenaren harira, adibidez, jatorrizko logotipotik abiatuta,  jarraian duzuen gif animatua diseinatu dugu:

 

 

Enpresaren logotipoaren eta sortutako mugimenduaren arteko harmonia azpimarratzekoa da eta bat dator leloarekin: “Adimena mugimenduan”. Gif-a Ingarteken webgunean argitaratzeko diseinatu zen. Webgunearen egilea era Adaki da.

Lehenengo erronka webgunea diseinatu eta garatzerakoan edukien arkitektura definitzea izan zen, informazio guztia modu erraz eta irisgarrian argitaratu ahal izateko eta erabiltzailearen esperientzia hobetu. Webgunearen funtzionaltasuna bermatzea eta enpresaren balioekiko eta duen negozio estrategiarekiko koherentea zen estetika lantzea, noski, ezinbestean bete beharreko baldintzak ziren.

Ingartek konpainiak eskaintzen duenarekin ondo uztartzen den webgunea da lortu dena. Mugikortasun eta garraioaren inguruko aholkularitza eta ingeniaritza eskaintzen dituen enpresa izaki, benetako iraultza teknologikoa jasaten ari den sektorean murgildua, webguneak argi erakusten du zer den, ze zerbitzu dituen eta zein diren esku artean dituen proiektu nagusiak.

Garrantzitsua: Webgunearen posizionamendua

Sarriegi ahaztu egiten da webgunerik hoberenak ez duela ezertarako balio ez baldin badago ondo posizionatua. Gure zerbitzuen artean dugun web-orrien posizionamendua  webgunearen garapenaren prozesu osoan zehar oso kontutan hartzekoa da. Ingartek-en kasuan bezeroaren eskakizuna argia zen: webgunearen  posizionamendua ahalik eta gehien hobetzea. Horretarako, SEO teknikak erabiliz, estrategia bat diseinatu genuen ondorengo alderdiak landuz:

  • Webgunearen irisgarritasuna: eragin zuzena du posizionamenduan.
  • Link building: Google-en algoritmoan faktore garrantzitsua
  • Barne loturak.
  • HItz gakoen edo keyword-en bilaketa eta erabilera. Oinarrizkoa inboud marketing-eko edozein estrategiatan.
  • Konpetentziaren azterketa.

 

Lagun zaitzakegu?

Zure irudi korporatiboa sortuko dugu, edo daukazuna berritu. Webgunea diseinatuko dizugu.
Publizitate eta marketin kanpainetarako irudia prestatuko dizugu.

Jarri gurekin harremanetan