Enpresa bideoa Laulagun Bearings-entzat

Enpresa bideoen helburua marka baten, produktu baten edo zerbitzu baten inguruan atentzioa erakartzea da. Eta hori izan da, ain justu, ADAKI-tik Laulagun Bearings enpresarentzat egin dugun bidearekin lortu nahi izan duguna.

Bezeroengana, kontsumitzaileengana edo gure publiko objetibora iristeko biderik eraginkorrenetako bat dira gaur egun bideo korporatiboak. Izan ere, bezeroekin harremana finkatzeko eta hobetzeko komunikazio bide oso ohikoak eta trebeak bihurtu dira enpresa bideoak.

Enpresa bideoak helburu ezberdinetara bideratuta egon daitezke. Laulagun Bearings enpresaren kasuan, produktuari buruzko bideoarekin produktu berri bat merkatu berri batean erakustea izan da. Tamaina handiko errodamendu bereziak eta orientazio koronak egiten dituzte Laulagunen, eta orain gutxi sektoareari buruz Indian egin den azoka batean erakutsi dute bideo korporatiboa. Energia berriztagarrien sektorean aritzen diren bezeroei erakutsi zaie bideoa, zehazki eolikoak egiten dituztenei: Vestas, Goldwind, Siemens, Acciona-Nordex…

Laulagunen ekoizten dituzten hainbat pieza eta zein sektoretarako lan egiten duten ikusi daiteke irudietan. Produktuak horren modu zuzenean erakusteak sinesgarritasuna areagotzen du, eta horrek eragin zuzena du bezeroen erosketa erabakian.

Enpresako bideo bat egiterakoan ezinbestekoa da markaren, enpresaren edo indartu nahi den produktuaren ikuspegi zuzen bat ematea. Horregatik, bideoko irudietan, azaleratu nahi diren ezaugarriei eman behar zaie garrantzia.

ADAKI-n 15 urte daramatzagu gure bezeroei marketing-aren, branding-aren eta komunikazioaren alorrean aholkularitza eskaintzen. Zuk ere laguntza behar baduzu, jarri gurekin harremanetan!

#KontuanIzan, Begisareren publizitate kanpaina berria

#KontuanIzan publizitate kanpaina garatu du Erretinosi pigmentarioa dutenen  Gipuzkoako Begisare elkarteak. Ikusmen Murriztua Dut izeneko sentsibilizazio proiektua indartzen jarraitzeko beste pauso bat da #KontuanIzan kanpaina.  Real Sociedad futbol taldeko jokalarien babesa izan du, eta Adaki Komunikazioa agentziak egin du kanpaina.

Adakin urteak daramatzagu Begisarerekin elkarlanean, eta urtez urte, helburu zehatz bati lotutako lanketan oinarritu da publizitate kanpaina: ikusmen murriztua duten pertsonekin hartu-eman soziala hobetzea. Aurten, konpromiso horrekin bat egin dute Aritz Elustondo, Yuri Berchiche eta Toño Ramírez Real Sociedad futbol taldeko jokalariek. Erretinosi pigmentarioa dutenen bereizgarri den irudia eskuan hartuta, mezu argia zabaldu dute hiruek: “Ikur hau ikusiz gero, kontuan izan”.

Aritz Elustondo, Toño Ramirez eta Yuri Berchiche Begisareren #KontuanIzan kanpainarako egindako karteletan

Publizitate kanpainaren barruan sare sozialen aldeko hautua egin da, eta #KontuanIzan etiketa erabiliz hiru futbol jokalarien bideo bana zabaldu da. Horrez gain, kartelak eta informazio liburuxkak egin dira, komunikabideetan iragarkiak publikatu dira eta autobus markesinetan irudiak jarri dira.

Kanpainak herritarrengan eragin nahi du, “Ikusmen Murriztua Dut” ikurra eta bereizgarria ikusten dutenean, ikusmen urritasunen bat dutenekin nola jokatu jakin dezaten eta pertsona hauek gizarteratzeko mugimendu sozialean eragin dezan.

Kanpainarako egindako kartelak
Kanpainako kartela autobus geltoki batean

 

Donostiako autobus geltoki berria sustatzeko publizitate kanpaina sortu du adakik

adaki komunikazioak publizitate kanpaina egin du Donostiako Udalarentzat hiriburuko autobus geltoki berria sustatzeko. “Bidaia berri baten hasiera” claim-pean, kanpainaren sormen lanaz eta hedabideen plangintzaz arduratu gara.

Bezeroarekin, hau da, Donostiako Udalarekin landutako briefing-ari jarraituz, adaki komunikazioan istorio bat eraiki dugu mezua modu erraz eta emotiboan helarazteko. Geltokietan emozioek borbor egiten dute, istorio eta bizipen anitzei bide emanez. Bidaia beti da zerbaiten hasiera. Eta bidaiaria da narrazioari jarraipena ematen diona. Horixe da irudi grafikoak adierazten duena ikusleari emanez interprezioetarako abagunea,

Hedabideen plangintza

Kanpainaren irudia Gipuzkoako paperezko komunikabide nagusienetan argitaratu da: El Diario Vasco, Noticias de Gipuzkoa, Berria eta Gara. Egin dugun hedabideen plangintzaren baitan irratiak ere aintzat hartu ditugu. Euskadi Irratia, Radio Euskadi, Onda Vasca, Onda Cero, Cope y Ser.

adaki komunikazioan irratirako ondorengo iragarkia erredaktatu eta landu dugu:

Elkarrizketari heldu diogu irratian ondo funtzionatzen duelako eta kasu honetan, hizkera naturala eta gertukoa erabiltzeko aukera ematen zuelako mezua zabaltzeko orduan.

Begisare Donostiako Boulevardean

Gure lagun baten bitartez jakin genuen Begisare elkartearen berri. Erretinosi Pigmentarioa duten pertsonek osatzen dute elkartea eta 1997. urteaz geroztik Gipuzkoako kaltetuek dituzten hutsuneei erantzuten dihardute.  2011ko irailean elkar ezagutu ginen eta benetan hunkigarria izan zen guretzat Itziar, Amaia, Markel, Ramón eta beste hainbat pertsona ezagutzeko aukera izatea. Irailaren azken igandean Erretinosi Pigmentarioaren Nazioarteko Eguna ospatzen zuten eta egun hau aitzakiatzat hartuta, Begisare elkartearen helburua gizarteak gaixotasun arraro honen berri jakitea zen.

Proiektu solidarioetan parte hartzea ez zaigu askotan suertatzen eta inolako zalantzarik gabe Begisarekoekin lan egitea eta, ahal zen neurrian, elkarteari laguntzea erabaki genuen. Gure lehen urratsa Erretinosi Pigmentarioa eta Begisare elkartea ezagutzea zen. Zeregin hau ez zen inolaz ere zaila izan, Begisareko kideek besoak zabalik hartu gintuzten eta informazio ugari partekatu zuten gurekin, bai informazio teknikoa eta baita informazio pertsonala ere.

Erretinosi Pigmentarioa endekapenezko eta hereditarioak diren gaixotasunen multzo bat da, begi-sareari eragiten dioten zelula foto-jasotzaileen galera motela sortzen du eta kasu askotan itsutasunera ere eramaten du. Gaixotasunaren ondorenak zeintzuk ziren jakin bezain pronto ohartu ginen elkartearen lehen zeregina gizartea sentsibilizatzea zela eta horretarako ideia bat bururatu zitzaigun…. “Zergatik ez dugu Donostiako Boulevardean gymkana didaktiko bat prestatzen?” Pentsatu eta egin. Ekitaldi bat antolatzeak dituen ohiko gorabeherak izan genituen (udalaren baimena lortzea, konoak egiteko modurik egokiena bilatzea…), eta eguna iritsi zenean nerbioak dantzan izan genituen baina emaitzarekin gustura gelditu ginen. Egunak eguzkitsu argitu baitzuen eta hiritar ugari hurbildu baitzen ekitaldira.

Zorionez, komunikazio bulegotik egin genuen lan saiatuari esker, komunikabideek interes handia erakutsi zuten eta ekitaldiaren berri emateaz gain, Begisareko kideekin eta Biodonostia Ikerkuntza Institutuarekin harremanetan jartzea lortu genuen gaixotasunaren nondik norakoak modu sakonago batean ezagutzeko. Hemen dituzue ekitaldi honetarako diseinatutako zenbait aplikazio eta zuek ere Begisarekoei lagundu nahi badiezu, beraien webgunera jo dezakezue: www.begisare.org

Lagun zaitzakegu?

Zure irudi korporatiboa sortuko dugu, edo daukazuna berritu. Webgunea diseinatuko dizugu.
Publizitate eta marketin kanpainetarako irudia prestatuko dizugu.

Jarri gurekin harremanetan