Komunikazioa, Udalarentzat giltzarri

Udalarentzat eta udal ordezkarientzat giltzarri dira kudeaketa eraginkorra, etikan, herritarren partaidetzan eta gardentasunean oinarrituriko gobernantza eta gertukoa eta zuzena den komunikazioa.

Komunikazioa ez da aukera bat. Lehentasuna da hurrengo hauteskundeak irabazi nahi badira. Baina, batez ere, lehentasuna da herritarrak informatzea Udalaren betebeharra delako eta herritarren parte-hartzearen lehen oinarria. Herritarrei zor zaien errespetuagatik, Udala derrigortua dago informatzera eta bere kudeaketaren inguruan, kontuak ematera.

Hori esanda, komunikazioak estrategia politikoa eta adostutako gobernu programa  indartzeko balio behar du zer egin den, zer egiten ari den eta zer egingo den esanez.

Horretarako Udalak komunikazio kabinete baten beharra du. Adakin eskaintzen dugu zerbitzu hau gure bezeroen –udalen- esku jarriz udal komunikazioan eskarmentua duen komunikazio teknikaria. Bere egitekoak bi ildo nagusi ditu. Informatzeaz eta komunikatzeaz gain, aholkularitza ematea, alegia. Mezu jakin bat zabaltzeko une egokia den ala ez, komunikabideetan profil baxua interesatzen den, informazioa aurrez adituekin edo kanpoko eragileekin jorratu behar den, herritarrengan eta oposizioan eraginko duen erreakzioa edo erantzuna zein izan daitekeen… hainbat alderdi dira aztertzekoak eta horren inguruko aholkularitza aintzat hartu beharrekoa da.

Komunikazioa hain da garrantzitsua xehetasun guztiak kontutan hartu beharrekoak direla. Gogoratu erakundearen irudia eta izen ona daudela jokoan.

Helarazi nahi den edukiaren, garrantziaren eta protagonisten ezaugarrien arabera, hainbat formatu erabili daitezke.

  • Prentsa oharra. Mezu bat zabaltzeko modurik errazena da. Komunikabideei prentsa oharra bidaltzeaz gain, Udalak berak dituen kanaletan argitaratzea garrantzitsua da, webunean edota sare sozialetan, alegia. Prentsa oharrarekin argazkia zabaltzea inportantea da.
  • Prentsaurrekoa. Kasu honetan, komunikabideek aukera gehiago dute edukia beste modu batean lantzeko, besteak beste, galderak egin ditzaketeelako edota interesatzen zaien puntuetan sakondu.
  • Esklusibak. Elkarrizketak edo informazioa komunikabide bakar bati emateak bere arriskuak ditu eta kontu izan behar da, beste hedabideen presentziarekin kontatu nahi baldin bada hurrengo agerraldietan. Baina kasu batzuetan ideia ona izan daiteke.
  • Udal aldizkaria. Ohikoena da etxe guztietara egitea bidalketa eta beraz, gehiengoarengana iristen da. Gainera, erreportajeak, elkarrizketak, e.a. egiteko aukera ematen du.
  • Buletin elektronikoa. Aproposena da maiztasun jakin batekin egitea bidalketa.
  • Sare  sozialak. Ezinbestekoa da sareetan presentzia izatea, elkarri eragitea eta emaitzen jarraipena egitea, gutxienez hainbat adirazle kontutan hartuz: jarraitzaileak zer ordutan konektatzen diren, zeintzuk diren interesa eta klikak eragiten dituzten argitalpenak, e.a.
  • Inprimitutako materiala: eskuorriak, kartelak…
  • Kaleko pantaila informatiboak.
  • Totem informatiboak. Helburua da atentzio deitzea eta mezua ahalik eta jende gehienarengana iristea. Herritarrak geratu daitezela edukia ikusten edo irakurtzen.
  • Ekitaldiak, aurkezpen publikoak…

Horra Azkoitiko Udalarentzat Adakik egindako hainbat lan:

Liburu aurkezpena.

Legealdiko balantzearen inguruko informazioa totemetan.

Prentsaurrekoa.

Ate Irekien jardunaldia udaletxean.

Udal aldizkaria.

     

Webgunea, zure negozioaren erakusleihoa

Webgunea zure negozioaren erakusleihoa da. Abantaila handi bat du. Erakusleiho fisikoak produktua erakusten du, baina ez du informaziorik ematen. Webguneak kontsumitzailearen esku jartzen du produktua, dituen ezaugarriak, enpresaren eta zerbitzuen inguruko informazioa edota harremanetan jartzeko modu azkar bat. Klik gutxi batzuekin eta inora mugitu beharrik gabe, bezeroak produktu bat erosteko edo zerbitzu bat kontratatzeko jakin beharreko guztia daki. Adakin Construal enpresarentzat egin dugun weba jarriko dizuegu adibidetzat. PVCko eta aluminiozko ateak eta leihoak fabrikatzera eta merkaturatzera dedikatzen da, banatzaile sare baten bitartez.

Ematen diogun zerbitzua zabalagoa da. Besteak beste, aholkularitza, katalogoen diseinua, e.a. Baina post honetan webgunean zentratuko gara.

Construalen kasuan bere bezeroak banatzaileak dira eta ez produktuaren azken eroslea. Hala ere,  bezero potentzial guztiak artatzeaz arduratzen da, hurbilen duten banatzailearekin edo instalatzailearekin harremanetan jarriz. Alegia, bitartekari lana egiten du webgunea tarteko.

Edukiaren antolaketa eta egituraketa

Construali egin diogun webgunearen ezaugarri nagusietako bat edukiaren antolaketa eta egituraketa da, eta horrekin batera, produktua erakusteko modua.

Bereziki banatzaileei -komertzial lana egin behar dutenei- zuzenduta dagoenez weba, produktu bakoitzaren ezaugarri teknikoak agertzen dira eta informazio osagarri gisa, fitxa teknikoa, irudiak edo bestelako dokumentazioa jaitsi daiteke. Produktu bakoitzak bere orri propioa du.

Menu nagusia produktu serieak eta osagarriak erakusteko erabili dugu. Diseinua argia eta bisuala da oso eta bezeroak erraz aurki ditzake Construalek ate eta leihoetarako eskaintzen dizkion aukerak eta soluzioak.

Berrien atala ere badu menu nagusian. Albisteak sartzeak batez ere webgunea posizionatzeko balio du. Hau da, konpetentziari abantaila ateratzeko interneteko bilatzaileetan. Horrek dirudiena baino askoz ere garrantzia handiagoa du  publiko objektiboak zure webgunea bilatzeko orduan. Posizionamendua teknika ezberdinak aplikatuz eta denborarekin lortzen da. Zailtasunetako bat da ez jakitea konpetentzia zer egiten ari den edota Google-en algoritmoek nola eragin dezaketen.

Baina badira posizionamendua hobetzeko doako SEO teknikak eta beraz, gomendagarriak direnak, aurreratzen ez denak atzera egiten baitu.

Construalen webgunearen beste ezaugarrietako bat goikaldeko azpi-menua da. Menu nagusiak baino atentzio gutxiago deitzen du baina bezeroengana zuzenean jotzeko pentsatuta dago. Gainera, profilen arabera bi galdera zuzentzen ditu. “Nahi duzu banatzailea izan?” eta “Nahi duzu ateak eta leihoak berritu?”. Erabiltzailearen esperientzia hobetzen laguntzen duten teknikak dira, nabigazioa errazten diolako nahasketarik eta enbora galtzerik eragin gabe.

Eta horretaz gain, galdera horiekin, enpresak “lead”ak lortzen ditu. Alegia, interesa duten bezeroen datuak. Horrek sekulako balioa du bezero kualifikatuak direlako eta hobe da hori, interesik ez duten milaka kontaktu baino. Horregatik “lead” bakoitza aztertzekoa da. Inboud marketing deritzan estrategiak ere helburu bera du, bezero bihur daitekeen publikoarekin konexioa lortzea.

Baina ez gara aspertuko esaten webguneak funtzionala, erakargarria, azkarra eta intuitiboa izan behar duela, eduki erabilgarria eskaintzearekin batera. Horri marketin digitaleko estrategia on bat gehitzen bazaio, emaitzak iristen dira.

Irabia Plagas-en webgune berria garatu du Adakik

Zerbitzu enpresa batek, beste ezeren gainetik, bi puntu argi uzten dituen webgunea behar du: zertara dedikatzen den eta nola jarri harremanetan konpainiarekin. Eta askoz ere hobe kontaktua Call to Action edo akziorako deia deritzanarekin batera badoa, alegia, potenzialak diren bezeroak aktibatzea helburu duen botoi edo lotura, bihurketak handitu ahal izateko.

Webgune baten lehenengo baldintza funtzionala izatea da. Berriki webgune berria egin diogu Irabia Plagas enpresari. Izurriak kontrolatzera dedikatzen da.

Edukiaren bolumena kontutan hartuta, lehen urratsa edukien arkitektura garatzea izan zen, ibilbide argi, erraz eta azkarrak bilatuz. Azkenean, erabiltzailearen esperientziak ona izan behar du eta webgune baten garapen prozesu osoan izan behar da kontutan UX edo user experience delakoa. Eraginkorra ez bada, erabiltzailea di-da batean aterako da orrialdetik.

Irabiaren kasuan, erabiltzaile objektiboaren profila aintzat hartu dugu, menu horizontal zabalgarria aukeratu dugu, bilatzailea gehitu eta edukien estrategia bat landu dugu giltza-hitzak eta loturak egoki erabiliz. Ikusten den moduan, xehetasun guztiak hartu behar dira kontutan emaitza nahi bezalakoa izan dadin.

Webgune berri bat egitea pentsatzen ari bazara, ondorengo ezaugarriak oinarrizkoak dira:

  • Informazioak ondo egituratuta egon behar du, erabiltzailea galdu ez dadin eta aurkitu nahi duen hura azkar aurki dezan edo enpresari interesatzen zaion informazio hura jaso dezan.
  • Intuitiboa eta funtzionala izan behar du.
  • Diseinu erakargarria behar du.
  • Diseinuak responsive deritzana izan behar du, gailu guztietan weba ondo ikusteko.
  • Kargatzen irauten duen denbora garrantzitsua da. Abiadura kontutan hartzekoa da oso.
  • Akziorako deiak izan behar ditu.
  • Kontaktuak beti eskura edo ikusgai egon behar du.
  • Kalitatezko edukiekin eguneratu behar da weba eta ondoren sare sozialetan zabaldu eduki horiek, webera lotura eginez.
  • Posizionamendua. Web berri bat egiten duenak ezin du web zaharreko URL-ak berrikoetara bideratu gabe uzti, posizionamendua mantendu nahi bada. Eta aurreko puntuarekin lotuta, posizionamenduak erlazio zuzena du edukiekin ere.

Aholkua: Webgune baten garapena kontratatzen bada, logikoena da posizionamendua ere kontratatzea. Bestela, gurpilik gabeko autoa erostea bezala da.

Proiektu honen parterik garrantzitsuena “lead“ak lortzea izan da. SEO tekniken bidez aurreikuspenak gainditzea lortu dugu.

 

 

Enpresa bideoa Laulagun Bearings-entzat

Enpresa bideoen helburua marka baten, produktu baten edo zerbitzu baten inguruan atentzioa erakartzea da. Eta hori izan da, ain justu, ADAKI-tik Laulagun Bearings enpresarentzat egin dugun bidearekin lortu nahi izan duguna.

Bezeroengana, kontsumitzaileengana edo gure publiko objetibora iristeko biderik eraginkorrenetako bat dira gaur egun bideo korporatiboak. Izan ere, bezeroekin harremana finkatzeko eta hobetzeko komunikazio bide oso ohikoak eta trebeak bihurtu dira enpresa bideoak.

Enpresa bideoak helburu ezberdinetara bideratuta egon daitezke. Laulagun Bearings enpresaren kasuan, produktuari buruzko bideoarekin produktu berri bat merkatu berri batean erakustea izan da. Tamaina handiko errodamendu bereziak eta orientazio koronak egiten dituzte Laulagunen, eta orain gutxi sektoareari buruz Indian egin den azoka batean erakutsi dute bideo korporatiboa. Energia berriztagarrien sektorean aritzen diren bezeroei erakutsi zaie bideoa, zehazki eolikoak egiten dituztenei: Vestas, Goldwind, Siemens, Acciona-Nordex…

Laulagunen ekoizten dituzten hainbat pieza eta zein sektoretarako lan egiten duten ikusi daiteke irudietan. Produktuak horren modu zuzenean erakusteak sinesgarritasuna areagotzen du, eta horrek eragin zuzena du bezeroen erosketa erabakian.

Enpresako bideo bat egiterakoan ezinbestekoa da markaren, enpresaren edo indartu nahi den produktuaren ikuspegi zuzen bat ematea. Horregatik, bideoko irudietan, azaleratu nahi diren ezaugarriei eman behar zaie garrantzia.

ADAKI-n 15 urte daramatzagu gure bezeroei marketing-aren, branding-aren eta komunikazioaren alorrean aholkularitza eskaintzen. Zuk ere laguntza behar baduzu, jarri gurekin harremanetan!

Lagun zaitzakegu?

Zure irudi korporatiboa sortuko dugu, edo daukazuna berritu. Webgunea diseinatuko dizugu.
Publizitate eta marketin kanpainetarako irudia prestatuko dizugu.

Jarri gurekin harremanetan