Ikastolaren urteurrena, “Zubimusu” marka indartzeko eta balioan jartzeko aukera egokia

Ohikoa da ikastetxeek euren urteurrenak ospatzea. Ez dena hain ohikoa da urteurrena eskolaren marka indartzeko aukera modura ikustea, ondo diseinatu eta planifikaturiko kanpaina bat garatuz. Horixe egin berri du Adaki Komunikazioak Villabonako Zubimusu Ikastolaren 50. urteurrena dela-eta.

Urtebete inguru daramagu Zubimusu Ikastolarekin aholkulari gisa lanean. Besteak beste, komunikazio kabinetea eramaten diegu edukiak sortuz webgunerako edo duten datu-baseari zabaltzeko, sare sozialetarako, komunikabideetarako, matrikula kanpainetarako, e.a.

Zubimusu Ikastolaren 50. urteurren ospakizun ekitaldia antolatzen uda aurretik hasi ginen lanean eta egitarau zabalago baten barruan, joan den abenduaren 18an egin zen ospakizun ekitaldia antolatu dugu, sormen lanetik hasi eta eszenatokira eraman arte.

Ekitaldiak festa kutsua hartu arren, urteurrena Ikastolaren baloreak eta ibilbidea azpimarratzeko unea ere bada. Ondorioz, aproposena bien arteko oreka bilatzea da. Ezin du aparrezko festa hutsa izan, ezta inor erakarri eta emozionatuko ez duen hitzaldi sorta ere.

Ikastolako ikasle, irakasle eta gurasoen parte hartzea eta inplikazioa sustatzea garrantzitsua da ikastolaren parte sentitzeko. Horregatik “Zubimusu gara” lelopean garatu ditugu ekimenak. Eta ospakizunak partekatzeko direnez, Villabonako eta Zizurkilgo elkarteek ere modu aktiboan parte hartzea lortu dugu, ikastola herriratuz eta gertutik ezagutzera emanez. Esan bezala, urteurrenaren helburu nagusia “Zubimusu Ikastola” marka indartzea zen.

Parte hartzea aurrera eramateko aitzakia abestiak eman zigun. Izan ere,  Ikastolako irakasle eta musikari Xabier Zubeldiak 50. urteurren abestia konposatu zuen eta Amaia Agirre bertsolariak letra jarri. Abestia zabaltzeko, ikus entzunezkoen ekoizpenak egiten dituen Pixel etxearekin elkarlanean,  bideo bat egin genuen. Youtuben argitaratu eta 10 egunetara, 3.893 ikustaldi erregistratu ziren. Bideoa izan zen, hain justu, ekitaldi nagusian elementu erakargarrienetako bat, besteak beste, jendearen partaidetzagatik. Pixelen lan onari esker, bideoarekin helburu jakin bat lortu da: Zubimusuren parte sentiaraztea eta harrotasunez ikustea Zubimusu.

Abestia ekitaldi nagusian aurkeztu zen eta Villabonako kiroldegiko kantxan eta gradetan 900 lagun sartu ziren. Jendeak horrela erantzuteak ez du misteriorik, lana dago atzetik. Plangintza eta koordinazioa eskatzen ditu. Xehetasun guztiak dira zaindu beharrekoak gonbidapenetik hasita.

Kasu honetan, Adakin bideoaz gain ekitaldiarekin loturiko alderdi guztiak lotu ditugu eszenatokia, gidoia, baliabideak edota prentsa kabinetea.

Komunikazioa ikastolan: Zubimusu Ekitaldia_007

Komunikazioa ikastolan-50. urteurren ekitaldia

ZubimusuEkitaldia_030

Zubimusu ikastolaren 50. urteurren ekitaldia

Zubimusu ikastolaren 50. urteurren ekitaldia

ZubimusuEkitaldia_066

ZubimusuEkitaldia_042

 

 

 

“Zubimusu naiz!” edo nola landu ikastola baten branding-a

 

LONA_1652

Villabonako eta Zizurkilgo Zubimusu Ikastolaren irudi korporatiboa aurkeztu berri dugu. Jesusen Bihotza Ikastola zena Zubimusu Ikastola da orain. Kooperatiba bihurtu da eta Ikastolen Elkarteko kide egin da.

Nola eman ezagutzera zentroaren izena eta irudi berria? Nola landu ikastolaren branding-a?

Duela egun batzuk izan den ekimen alai eta koloretsuarekin eman diogu erantzuna.

Egindako lehenengo hausnarketa izan zen: Ikastola kalera atera behar dugu! Eta irizpide horrekin diseinatu genuen kanpaina.

Zizurkilgo Ikastolatik atera eta kalejira egitea proposatu genien. Txaranga eta Argitxo, Ikastolako maskota, bidelagun, partaideak Ikastolako kamisetak soinean eta puxikak eskuetan zituztela, Villabonako Malkar plazaraino jarri zen ibilbidea. Tartean, argazki erraldoiak. Zubimusu Zubian, besteak beste, logotipoaren irudiarekin lona bat zintzilikatu genuen.

Zubi2014-11-29_4529

Zubi2014-11-29_4522

Plazan, Egoitz Ezkerrak garatu duen logotipoa eraiki zen kartoizko kaxekin. Aurrez ikasleek margotutako kaxak erabili ziren eta Argitxo tarteko, photocall-gune bihurtu genuen.

Zubi2014-11-29_4592

Plazan, palomitak eta pintxoak banatu ziren, Ikastolari katering zerbitzua ematen dion Askora enpresarekin elkarlanean. Sekulako arrakasta izan zuen palomita makinak!

Gure erronketako bat zen ikasle, irakasle eta gurasoen parte-hartzea, inplikazioa, nola sustatu.

Ekintza plan bat diseinatu genuen. Eta ikasleei eman genien garapenaren parte handi batean protagonismoa. Horrela, hasieratik proiektua begi onez ikustea lortu genuen. Ikasleen konplizitatea geureganatzea, alegia. Horrela gurasoengana iristeko bidea ere leundu zitzaigun.

KUTXAK_IMGP5041

Edonola ere, gurasoentzat dosier bat prestatu genuen “Zubimusu naiz!” ekimenaren nondik norakoak xehetasunez azalduz eta parte hartzera gonbitea luzatuz.

Ekitaldi nagusia baino bizpahiru egun lehenago, DBHko ikasleek ikastola kanpoan haurrei itxaroten zeuden gurasoei eskura gonbitea luzatu zieten. Aurrez ikasleek eginiko lan guztia ere argazkitan jaso zen eta kartelak zintzilikatu ziren irudiekin ikastolaren hiru eraikinetan. Giroa piztuta zegoen!

Eta gurasoen inplikazioa bermatuta. Zizurkilgo Ikastolako gurasoek kafea eta bizkotxoak eramango zituztela aurreratu zuten. Ekitaldiaren egunean, denak lanerako eta laguntzeko prest zeuden goizean goiz

Zubi2014-11-29_4374

Zubi2014-11-29_4580

Gauza txikiekin ere batzuetan asko lor daiteke.

Eguraldiak lagundu ez bazuen ere, helburuak betetzea lortu zen ekitaldi xume honekin. Identitate berria aurkeztea, Ikastola kalera ateratzea herritarren begietara, guraso, ikasle eta irakasleak parte hartzea, Ikastolaren parte sentitzea…

Gainera, bikain pasa genuen guztiok!

Hala ere, edozein ekintza antolatzeak planifikazio zorrotza eskatzen du eta ezustekoak beti suertatzen dira. Erabakiak hartzen eta komunikatzen jakin behar da. Ondorengo urratsak edozein plangintzatan sartu beharrekoak dira:

-Ekintza nagusia definitu

-Abantailak eta desabantailak mahaigaineratu

-Baliabideak eta aurrekontua aztertu

-Lan plangintza adostu

-Materiala prestatu

-Hornitzaileekin harremanetan jarri

-Lan taldeak osatu

-Modu eraginkorrean komunikatu

-Komunikabideen presentzia bermatu

-Prozesu osoan zehar kontrola eraman

-Amaitutakoan, emaitzak baloratu eta neurtu

 

Goierri Eskolaren 50 urteotako lorratza

Acto del 50 aniversario de Goierri Eskola

Goierri Eskolak 50 urte bete ditu. Ospatzeko eta, batik bat, urte guzti hauetan bere alde lan egin duten guztiak omentzeko, ekitaldi xume eta hunkigarri bat antolatu dugu.

Iñigo Urkullu lehendakaria buru dela, Goierrin ezagunak diren hainbat eta hainbat lagun bildu dira. Udaletako eta enpresetako ordezkariak, ikasleak, irakasleak… direnak eta izandakoak. Anfitrioi lanetan ibili dira Iñaki Zabalo, Goierri Eskolako zuzendaria, eta Igor Eguren, Goierri Fundazioaren lehendakaria.

Juan Maria Aburto sailburua, Iñaki Zabalo Goierri Eskolaren zuzendaria, Iñigo Urkullu lehendakaria, Igor Eguren Goierri Fundazioko presidentea eta Xanti Iruretagoiena eskolako kanpo-harremanetako arduraduna.
Juan Maria Aburto sailburua, Iñaki Zabalo Goierri Eskolaren zuzendaria, Iñigo Urkullu lehendakaria, Igor Eguren Goierri Fundazioko presidentea eta Xanti Iruretagoiena eskolako kanpo-harremanetako arduraduna.

Aretoa goraino beteta, errepasu ederra eman diote eskolaren ibilbideari.

Edu Muruamendiaraz koreografoak zuzentzen duen Aukeran Dantza Konpainiak gozatu du ekitaldia eta Joxe Felipe Auzmendi aritu da aurkezle lanetan, gogora bailarako hainbat pasadizu ekarri dizkigularik.

Ospatzea zegokion eta halaxe egin da.

Ez da gutxiagorako. Garai zailetan atera zuten eskola aurrera. Bere txikitasunean, Goierrik handitasunez jokatzen jakin baitu.

Ondo bestelako garaiak ziren haiek.

TVEn irudiak gaitzesteko erabiltzen zituzten erronboen garaiak ziren, lehenengo Ducados zigarroak saltzen hasi zirenekoak; NO-DOarenak, Beatles-ak arrakastaren gailurra ukitzen eta Seiscientos mitikoa kaleetan ikusten hasi zirenekoak.

Gerraostea urrutiratzen zihoan heinean, loraldi bat somatzen hasi zen.

60ko hamarkadan sartu berri, Espainian Massielek “la-la-la” abestu aurretik, eta hemen, Euskal Herrian, Jorge Oteizak Ez dok Amairu kultur mugimendua artean bataiatzeke zuela, Goierrin, “aukera berdintasunaz” hitz egiten hasi zen. Horixe zuten buruan Goierri Lanbide Heziketako eskola martxan jartzerakoan. Hala nahi zuen orok formakuntzarako aukera izan zezala. Industria hazten ari zen eta eskulan kualifikatua eskatzen zuen.

Beharrak behar, 98 ikaslek egin zuten matrikula 1963an CAFek zuen “Escuela de Aprendices”en. Baina denek zekiten eskola berrirako eman zutela izena. Madrilgo ministerioren diru-laguntza jasotzeko CAFen eskolak bere eskubideak utzi zizkion orain Goierri Eskola denari martxan jartzeko.

Elkarlanaren emaitza da Goierri Eskola, “herritik sortua”, gaurko ekitaldian Iñaki Zabalo zuzendariak esan duen moduan.

Eskolaren alde lana egin duten guztien omenez, oroigarri bat entregatu dio Iñaki Zabalok Igor Egureni. Horra oroigarriak zeraman bertsoa:

guraso, ikasle, langile, jabe,

irakasle… zer harrobi!

hura, hori, hau, haiek eta zu

zuek, hi eta berori…

etorkizuna eraikitzeko

izan zenuten sen hori,

denon eskura jartzeagatik

eskerrik asko denori

Bertsolari ezaguna eta Goierri Eskolako irakaslea den Imanol Muruak idatzi ditu egia galanta adierazten duten hitz hauek.

Harrobiari eusteko etorkizunean ere elkarlana ezinbestekoa izango dela berretsi dute behin eta berriz arduradunek.

Gaur egin den antzerako argazkia egiteko beste mende laurden bat bederen itxaron beharko dugu.

Ekitaldia antolatzea tokatu zaigun aldetik, eskerrik asko lagundu diguzuen guztioi.

Goierri Eskola. Acto 50 aniversario

goierri_adaki002

goierri_adaki003

 

Adaki diseña la imagen del nuevo máster de transporte de la UPV.

Adaki Komunikazioa ha diseñado la Imagen gráfica y el tríptico del nuevo “Máster Universitario en sistemas de Transporte”presentado recientemente por la EHU-UPV. Los nuevos estudios cuentan con la colaboración de 21 entidades y empresas, entre las que se encuentra el Clúster MLC-ITS Euskadi y una decena de socios.

Gehiago irakurriAdaki diseña la imagen del nuevo máster de transporte de la UPV.

Lagun zaitzakegu?

Zure irudi korporatiboa sortuko dugu, edo daukazuna berritu. Webgunea diseinatuko dizugu.
Publizitate eta marketin kanpainetarako irudia prestatuko dizugu.

Jarri gurekin harremanetan