Adaki agentzia saritua izan da, Begisare elkartearen Ikusmen Murriztua Dut kanpainarako garatu duen Ikusmen Murriztua dut VR sakelakorako aplikazioagatik eta haren baitako publizitate kanpainagatik. Fundación Mundo Ciudad erakundeak bultzatutako sariketa da SaludFestival. Publizitateak osasunaren, elikaduraren eta ongizatearen alorrean duen garrantzia azpimarratzea da sariketaren helburua. Mundo Ciudad erakundeak bi ataletan saritu du Adaki : sakelakorako garatutako aplikaziorik onenaren eta publizitate diseinurik onenaren ataletan.
Erretinosi pigmentarioak Gipuzkoan eragindakoen Begisare elkarteak sortutako Ikusmen Murriztua Dut bereizgarriaren inguruan, gizartea sentsibilizatzea eta gaixotasun hori duten pertsonek euren burua gizartearen begietara identifikatzeko tresna bat da Ikusmen Murriztua dut VR aplikazioa. Sektore honetako lehena da, eta Euskadin egina da bere osotasunean. Smartphone baten kameraren bidez eta errealitate birtualeko betaurreko batzuk erabiliz, hainbat filtrok sintoma ezberdinak simulatzen ditu: tunel itxurako ikusmena, erdigunea ikusteko ahalmenaren galera, fotofobia, ikusmen partxeatua… Adaki, garatutako aplikazioak ikusmen urritasuna duten pertsonek haien egunerokotasuna nolakoa den eta mundua denbora errealean nola ikusten duten irudikatzen du.
Sakelako aplikazioak gizarteko hainbat sektoretan izan dezakeen eragin positiboa nabarmendu du SaludFestival sariketako epaimahaiak. Espainian milioi bat pertsona inguruk du ikusmen murriztua. Horiek egunerokotasunean dituzten zailtasunak norberak bere azalean bizitzeko aplikazioak ematen duen aukerak, gaixoenganako sentsibilizaziorako tresna paregabe bihurtzen du Adaki Komunikazioren aplikazioa, epaimahaiaren iritziz. Espainiako 400 komunikazio eta publizitate agentziak baino gehiagok parte hartu dute sariketan, eta, besteak beste, Espainiako Iragarleen Elkarteko zuzendariek osatu dute epaimahaia.
Erakundeen babesa
Ikusmen Murriztua Dut VR sakelakorako aplikazioak oso harrera ona izan du gizartean, eta hainbat erakundek babestu dute dagoeneko proiektua: Gipuzkoako Foru Aldundiak, Gipuzkoako hainbat udalek, Real Sociedad erakundeak, Donostia Ospitaleak, Aranzadi Zientzia Elkarteak, oftalmologia alorreko profesionalak, ikertzaileak…
Hainbat ikastetxek eta gizarte eragilek ere jardunaldi bereziak antolatu dituzte sakelakorako aplikazioa erabiliz ikusmen murriztua duten pertsonen egunerokotasuna lehen pertsonan ezagutzeko: Villabonako Zubimusu Ikastola, Irungo Plaiaundi ikastetxea, Lilaton lasterketa, Hegalak zentroa, Forum Gipuzkoa Solidaria…
Begisare elkartea 1997an sortu zuten, ikusmen murriztua duten pertsonek haien gaixotasunei erantzuteko zituzten hainbat gabeziari erantzun asmoz. Erretinosi Pigmentarioaren inguruan gizartea informatzea eta sentsibilizatzea da Begisareren helburua; bidenabar, gaitz honek eragindako guztien bizi-kalitate egokia erdiesten lagunduko duen ikerketa genetikoaren inguruan sinergiak batzea. Orain lau urte Ikusmen Murriztua Dut proiektua sortu zuen, gaitz hau duten pertsonen egunerokotasuna gizarteratzeko. Urte hauetan guztietan hainbat dinamika eta egitasmo egin ditu, tartean Ikusmen Murriztua Dut VR app-a.
Aplikazioa Android eta Iphone plataformetan dago eskuragarri, eta dagoeneko 800 deskarga baino gehiago izan ditu. Adaki Akting eta Donosti Frame enpresen laguntza eta aholkularitza jaso du Ikusmen Murriztua Dut VR aplikazioa garatzeko. “Oso eskertuta gaude jaso dugun laguntzagatik. Profesionaltasun handiz lan egin dugu, eta lortutako emaitza da horren isla”, adierazi dute Adaki Komunikaziotik.
Ordutegi aldaketa adakin! Udako ordutegia Uda iritsi da eta horrekin batera eguzkiaz eta eguraldi onaz gozatzeko aukera. Hala, uztailaren 1etik aurrera udako ordutegian lan egingo dugu, 08:00etatik 15:00etara bitartean, astelehenetik…
Millennial bat batu da Adakiko lantaldera Komunikazioko ikasketak amaitu ostean, Adakiko lantaldera batu da Eider bere ikuspegi millenniala emateko, besteak beste. Kazetaritza digitalaren, brandingaren eta marketinera bideratutako komunikazio estrategikoaren zale amorratua…
Mutil berria dugu Adakin Diseinuzale amorratua. Diseinuarekin erlazionatutako orok txunditzen du: diseinu editorialak, arkitekturak, produktuak, animazioak, ilustrazioak edota diseinu grafikoak. Ikus-Entzunezko Komunikazioan lizentziatu zen EHUn eta Internet Eremuetan Sistemen…
Bazenekien diru-laguntzak dituzula zure dendaren… Baduzu zure negozioaren lehiakortasuna hobetuko duen webgune bat? Lagun Orain duzu aukera, diru-laguntzak eska ditzakezulako zure establezimendua modernizatzeko, kanpainak burutzeko, e.a. Adakin aholkatu eta lagundu…
Berrogeita hamar glue Erroman Erroman goitik behera, hiriko arteak egindako eztandaren lekuko da bat. Fatxada eta paretek garrasi egiten dute isilean, kaleak boterearen aurka korazatu beharreko lurrak diren arima…
Sormenak Lanarekin Topo Gaur posta bidez ohiko gutun-azal bat iritsi zaigu, kanpokaldean betiko BIC boligrafo baten irudia inprimatuta zuelarik. Ireki eta irudiko boligrafo bera zegoela ikusi dugu, oraingoan…
Ciudades 2025: Para estar en el lugar y en el… Llevamos ya rato escuchando que el centro del poder de Europa se está desplazando al este. Como un rayo. Ya se sabía. Sin embargo, parece…
Balore estrategikoak nola indartu edukiak sortuz Iaz ospatu zuen Goierri Eskolak 50. urteurrena. Goierri Fundazioak kudeatzen du zentroa, hau da, bailarako 18 udalek eta berrogeitaka enpresek osaturiko erakundeak. Inguruko enpresek jende…
